25.000 etxebizitza huts baino gehiago daude Nafarroan, eta urtean 350 etxegabetze baino gehiago gertatzen dira. ELAren Etxebizitza Hego Euskal Herrian: diagnostikoa eta alternatibak txostenetik eratorritako datuak dira.
Etxebizitzaren egoera “zinez larria” dela ohartarazi zuen sindikatuak txostenaren aurkezpenean, apirilean. Egoera okertu dela baieztatu du ELAko kide Iñaki Zabaletak.
Gaur Xaloa telebistaren 25. urteurren ekitaldien barruan, hitzaldia eskainiko du ELA sindikatuak. Katakraken izanen da hitzordua, 19:00etan. Nafarroako etxebizitzaren egoeraren diagnostikoaz gain, gai honen inguruan sindikatuak dituen proposamenak ere landuko dituzte.
