Aita Mari salbamendu-ontziaren erreskateei buruzko irudiengatik urrezko saria eman dio Moscow International Photo Awards jaialdiko epaimahaiak Unai Beroiz argazkilariari. Iruindarrak atunontzi zaharraren espedizio batean parte hartu zuen, 2021eko urtarriletik otsailera, Itsas Salbamendu Humanitarioa gobernuz kanpoko erakundearekin. Harekin hitz egiteko aukera izan zuen Euskalerria Irratiak, urte hartako martxoan.
Urrea ez da jaso duen sari bakarra, brontzezkoa ere eskuratu du Beroizek, Santos Indurainen irudi batengatik. Leireko Monasterioko zenbait monjerekin hizketan ageri da osasun kontseilaria argazkian.
Nazioarteko sari ezberdinekin saritu dute Beroiz. Parisen, Tokyon, Budapesten edo Moskun goraipatu dituzte haren lanak. Duela hilabete batzuk, Covid-19-Distancia Social kategorian New York Photography Awards saria jaso zuen, Tan cerca, tan lejos lanagatik.