"Zuentzako ez dago tokirik, Antoniuttiko parkea betikoentzako erabiliko delako" hitz hoiek erabili zituen Iruñeko Udaleko kultur arduradunak, etorkinen kolektiboen aurrean, festagunerik gabe geratzen zirela esan zienean. Adierazpen hauek baztertzaileak eta arrazistak direla salatu dute aniztasun kulturalaren aldeko eragileek, Iruñeko talde ezberdinen artean ezberdintasunak markatzen dituelako, betikoak eta kanpotik etorritakoak. Navarra Sumak, Herri Sanferminekin egin bezala, festen gunetik urrun bidali nahi izan ditu etorkinen kolektiboen gunea, Trinitarios parkeraino. Hauek ez dute onartu eta 2017az geroztik, Antoniuttin zuten txokoa mantentzea eskatu diote Navarra Sumari. Helegiteak aurkeztu dituzte udal gobernu taldearen erabakiaren kontra.
Iruñeko Udalaren jarrera baztertzailea salatu dute hiriko aniztasun kulturalaren kolektiboek
Azken hiru Sanferminetan aniztasun kulturalaren kolektiboek Antoniuttiko parkean zuten festa txokorik gabe utzi ditu Iruñeko Udalak. Trinitarioseraino zokoratu nahi du Iruñean bizi diren pertsona etorkinen jaigunea. Ezezkoarekin erantzun diote Navarra Sumaren aginte taldeari eta bere jarrera baztertzailea salatu.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
