Zientziaren 19 izar dira liburu honetako protagonistak, benetako izarrak izan arren itzalean gelditu zirenak.
Elhuyar aldizkariaren "Istorioak" atalean argitaratutako istorioak dira. 2013an Lunatikoak. Zientziaren bidezidorretatik liburuan bezala, atal horretako istorio berri batzuk beste bilduma batean biltzea erabaki du Elhuyarrek; eta, oraingoan, emakumeak dira protagonista.
Egoitz Etxebeste Adurizek liburua argitaratu du, Elhuyarren eskutik. Hori dena, Etxebesteren estilo pertsonalean kontatuta, Manu Ortega marrazkilariaren marrazkiez horniturik.
