Iruñeko haur eskoletako euskarazko eskaintza murrizteko erabakiak hautsak harrotu ditu, egun eskola hauetan beren sema-alabak dituzten gurasoen artean, baita datozen urteotan matrikula egiteko asmoa zuten familien artean ere. Enrique Maiak atzerapausoa eman du eta euskararen eskaintza eskola batera eta beste baten erdira mugatu nahi du. Gurasoak antolatzen hasi dira, erantzuna emateko, jorratu daitezkeen bide eta alternatibak aztertzeko.
Datorren astelehenean, otsailaren 17an, batzar irekia eginen dute 17:00etan kaltetuak izan daitezkeen guraso eta familiei zuzenduta. Bilera, Arrotxapeko Errotaberri elkartean eginen dute.
