Aurreko urteotan bezala egitarau oparoa prestatu dute hiriko toki desberdinetan mahainguru hitzaldi, zine emanaldi eta bestelakorik eskaintzeko. Baluarte egoitza nagusia izanen da, baina Nafarroako Liburutegian, Planetarioan edo Hiru Erregeen hotelean ere ekitaldiak eginen dira, hala nola Comedias kaleko Elkar liburudendan. Han eginen da euskaraz burutuko diren bi ekimenetako bat: Kafe beltza, urtarrilak 17an, 17.00etan, Miren Gorrotxategi “33 ezkil” liburuare egilearekin.
Bestalde Iruñeko historiako atal beltzenetako batzuk ezagutzeko aukera izanen dugu hilaren 11an eta 18an 12:00etatik aurrera eginen diren ordu beteko ibilaldi antzestuetan.
NUPeko antzerki taldeko ikasleek zenbait eszena interpretatuko dituzte hiriaren toki desberdinetan XIX. Mendean gertatutako lau hilketa lazgarri gogora ekarriz.
Jaione Urtasun, NUPeko Antzerki Taldeko zuzendarietako bat da euskaraz prestatzen ari diren ibilaldiaz mintzatu zaigu.
Izen ematea zabalik dago eta doakoa da. Izen ematea hemen.
