Bigarren fase honetan sarbideak, ekialde-mendebalde loturak eta ur-goraldiko basoan eta sarrerako ezpainean esku hartzea aurreikusi du udalak. Hirigintzako Gerentziak asteazken honetan onartuko du urte anitzeko obren lizitazioa, 3.518.140 euroko hasierako zenbatekoarekin; horietatik 1 milioi euro 2020an aplikatuko lirateke, eta gainerakoa, zenbatekoa estali arte, 2021ean.
Lanak A221 Arkitektura eta Ingeniaritza enpresak idatzitako proiektuan ezarritakoaren arabera egingo dira. Eskaintzak aurkezteko epea gutxienez 30 egunekoa izango da, Europar Batasunaren Egunkari Ofizialera (EBAO) bidaltzen direnetik aurrera. Halaber, Nafarroako Kontratazio Atarian argitaratuko da. Interesa duen enpresa edo ABEE bakoitzak eskaintza bakarra aurkeztu ahal izango du, eta modu telematikoan egin beharko du, Nafarroako Kontratazioaren Atariaren Lizitazio Elektronikoaren Plataformaren bidez. Kontratazio-organoak esleipena arrazoituta egingo du, ireki eta gehienez ere hilabeteko epean.