Gezurretan aritzea leporatu dio Joseba Asiron, EH Bilduko zinegotziak Enrique Maia alkateari. Euskararen udal ordenantza aldatzerako orduan, 97ko araudira itzuliko direla iragarri du aste honetan Enrique Maiak. Asironek azaldu duenez, 97ko udal ordenantzaren punturik garrantzitsuenak ezabatuta atera nahi dute eskuinako zinegotziek arau berria. "97ko ordenantza berreksuratuko dutela esan dute, baina bi artikulo ezabatuta" azaldu du Asironek, "Hiritarrek administrazioarekin euskeraz aritzeko eskubidea, lanpostu publikoetara sartzeko baldintzak eta hiriko hizkuntz paisaia arautzen duten puntuak dira ezabatu nahi dituztenak".
"Bere garaian UPN behin ta berriz azaldu zen 97ko arauaren kontra, Barcina alkateak behin ta berriz ordenantzaren gainetik pasa eta euskeraren kontra aritu zen" gogoratu du EH Bilduko zinegotziak, "97ko araua nahi badute, jar dezatela indarrean, bainan bete dezatela osorik, puntu eta artikulo guztiekin".
