Espainiako Auzitegi Nazionalak Amaia Izko zinegotziari inhabilitazioa ezarri dio. Izkok dimisioa eman du, eta EH Bilduk oraindik ez du ordezkoa izendatu. Hori baliatuz, urtarrilaren batetik aurrera indarrean izanen diren tasa eta prezio publikoak onartu zituen atzo Udal Gobernu Taldeak. Hamahiru boto izan ziren (Navarra Suma) ordenantza fiskal berriaren alde, eta beste hamahiru kontra (EH Bildu, Geroa Bai eta PSN). Eta alkatearen kalitatezko botoak ahalbidetu zuen onarpena.
Ordenantzak, besteak beste, tasa bakarra ezartzen du espazio publikoa okupatzeagatik. Tasa hori pentsatuta dago auzoetako elkarteek eta gizarte taldeek ordaindu behar izan dezaten txosnak jartzeagatik. Orain arte ez zuten ordaindu behar izaten. Horretaz gain, arau berriaren arabera zirkulazio zergan ECO ibilgailuek %25eko beherapena izanen dute, eta 0 isurketa dituztenek, %50ekoa.
