Navarra Sumak dietak berreskuratu ditu, goi kargudunentzat: 361 euro, bilera bakoitzeko

Enrique Maia alkatea, artxiboko irudi batean.

Neurria atzo onartu zuen Comiruñako kontseiluak, EH Bilduren, PSNren eta Geroa Bairen aurkako botoekin.

Navarra Sumak izendaturiko bost goi kargudunek 361 euro kobratuko dituzte, Comiruña udal elkarteko bilera bakoitzeko. Neurria atzo aztertu zuten, elkarteko kontseiluan. Navarra Sumako ordezkariak eta dietak kobratuko dituzten goi kargudunek alde bozkatu zuten, eta EH Bilduko, Geroa Baiko eta PSNko ordezkariek aurka. Aurkako botoa eman zuten indarren arabera, Navarra Sumak bere goi kargu dunen soldatak handitu nahi ditu, atzeko atetik.