Borra luzagarrien berreskurapena ez da izanen Udaltzainen alorrean izanen den aldaketa deigarri bakarra. Labairu zinegotziak iragarri zuenez, datozen hilabeteotan hiriko garabi zerbitzua pribatizatuko da. Orain arte, Iruñeko kaleetan gaizki aparkatutako kotxeak kentzeko lana Udaltzain eta hiriko garabi zerbitzu publikoaren esku zegoen. Navarra Sumak kudeaketa publikoa eten eta Dornier enpresa pribatuari eskeintzen dio egin beharra. Dornier enpresa, zonalde urdinaren zainketa egiten duen enpresa pribatua da.
Aurreko legegintzaldian Iruñeko poliziei borra luzagarriak kendu zitzaizkien, haiek erabiltzeko agindu eta protokolorik ez zegoela ikusita. Navarra Suma poterera itzulita, borra hauek berreskuratuko dituela iragarri du Jesus Labairu hiri segurtasunerako zinegotziak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!