Bi hilabeteko egokitzapen epearen ostean, gaur hasiko dira Iruñeko udaltzainak mugikortasun ordenantza ez betetzeagatik isunak jartzen. Kotxe, motor, bizikleta eta patinete erabiltzaileek jaso ditzazkete isunak. 30kilometro orduko abiadura muga 471 kaleetan eta bizikletak eta patinete elektrikoak errepideetatik joan beharra dira ordenantza berriaren arau azpimarragarrienak.
Udan ordenantza berria ezagutzeko aukera izanda, orain, egunerokotasunera eta ohiko trafikora bueltatuta isunak ailegatzen dira. Gaurtik aurrera udaltzainek espaloitik doazen bizikletak eta patinete elektrikoak zigortuko dituzte. Salbuespen gutxi izanen da: Belosoko maldan, Sanduzelaiko aldapan eta Labriten bizikletak espaloitik joan ahalko dira, bertan errepidean, abiadura bizia hartzen baitute kotxeek.
Motordun ibilgailuek ere somatuko dituzte aldaketak. Iruñea 30kilometro orduko hiria bihurtzeko bidean, hainbat kaleetako abiadura aldatu egin da. Oraindik ere ez da 417 kaleetako ikur eta margoa aldatu baina urtea bukatu bitartean erabat ezarrita egonen da 30kilometro orduko muga ia hiri osoan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
