Gipuzkoako etorbidetik Berriozarrerako bidean zihoala gelditu egin zuten udaltzainek. Patinetearen dokumentazioa eskatu eta erabiltzaileak ez zuela ikusita isuna jarri zioten. Ez da ohiko patinetea, haundiagoa eta indartsuagoa da. 2.400Wko potentzia du eta 85kilometro orduko abiadura har dezake. Horrexegatik, trafiko araudiaren arabera C saileko ibilgailuen taldean sartuta legoke, motor txikiekin batera; eta ez B saileko patinete arruntekin. Erabiltzaileak baldintza hauek ezagutzen ez zituela argudiatu du, patinetea erosi zuenean, inork ez ziolako esan bera gidatzeko baimen berezirik eta asegururik beharko zuenik.
Baimenik gabe eta asegururik gabe joateagatik isun bikoitza jaso du herritar honek. Udaltzainen iritziz, erabiltzaile honen patineteak motor txikien indar eta abiadura har dezake, beraz, hauek bezala, baimen eta aseguru baten beharra dute. Isunak jaso zituen herritarrak helegitea aurkeztuko du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!