Bizipolien zerbitzua bertan behera uztearena, mugikortasun ordenantza berria indarrean sartzeko atarian hartu du Iruñeko Udalak. Abuztutik aurrera, bizikleta erabiltzaileak errepidetik joango beharko dira. Hain zuzen, araudi berri horri erantzun eta behar bezala kontrolatzeko sortu zen bizikleta gaineko Udaltzainen taldea, hiritarrengandik gertu eta oinezkoendako zonaldeetan beren presentzia bermatzeko. Patruila martxan jarri zuen Itziar Gomez zinegotziak gogor kritikatu du Enrique Mayaren erabakia, atzerapausoa dela adieraziz, hiriko mugikortasun jasangarri baten bidean.
Brigada laburra izan da, hiru hilabetekoa. Martxoaren 1ean jarri zen martxan bizikleta gaineko udaltzain patruila eta aste honetan, bertan behera utzi egin du zerbitzua udal gobernu berriak. Enrique Mayak, aurreko udalak hartutako erabakiak eta martxan jarritako berrikuntzak atzera botatzen jarraitzen du honela.
Erlazionatuak
Udaltzainak bizikleta gainean Iruñean
2019 mar 01 Iruñea
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!