5 zinegotzitik 7ra pasa arren, Joseba Asironek zaila izago du alkatetzari eustea, Aldaketaren gainontzeko indarrek pott egin baitute nabarmen eta balantza alde batera egin ala ez PSNren eskuetan egongo baita. Gero Bai 5 zinegotzitik 2ra jaitsi da eta Aranzadik, I-Ek eta Podemosek ez dute ordezkaritzarik lortu, aurrekoan Aranzadik 3 zinegotzi eta I-Ek 1 erdietsi zituzten bitartean. Azkenean indar horiek hiru zatitan banatuta aurkezteak eragiten zuen kezkak funtsarik izan du eta 8.000 botu inguru isuri dira zulo horretatik.
Lehen indarra Navarra Suma izan da 13 ordezkari lortu eta gehiengo osotik soilik eserleku batera. Lehen PSNk ere gora egin du, nabarmen, 3 ordezkari izan beharrean 5 izango baititu eta gainera bere esku egongo da datorren alkatea nor izango den erabakitzeko giltza.
