Gergieven eta Mariinsky Antzokiko haren orkestraren eta Iruñeko Orfeoiaren arteko elkarlanaren esparruan, beste aukera bat izango dugu berebiziko orkestra eta abesbatza bikain bat entzuteko, Europako musikaren historian jada sartuta dagoen zuzendari baten agindura. Eta oraingoan, XX. mendeko errusiar musikako lan nabarmenenetako batez gozatzeko aukera emango digute: Alexander Nevsky kantata. Prokofievek ondu zuen, Eisensteinen izenburu bereko filmerako jatorrian idatzi zuen musikatik abiatuta. Neva ibaian Alexander tsarraren eta Suediako osteen artean izan zen guduan arreta jarrita, kantata indar handikoa eta edertasun inarroslekoa da, lan biribila, ikusgarria, lazgarria. Programa osatzeko, Mahlerren 5. Sinfonia interpretatuko dute.
Baluarte Fundazioaren Denboraldia
20:00etan. · Areto Nagusia