Rock Lurraldea izenarekin udaberrian Ziudadelan musikak hartuko du indarra. Britainia Handiko Status Quo taldeak joko du Iruñean ekainaren 16an. Ez dira bakarrik ariko. Beste talderen artean Kadavar talde alemaniarra, Richie Kotzer gitarra jotzaile estatubatuarra eta Burning talde madrildarra ariko dira. Sarrerak salgai jarri dituzte dagoeneko: lehenengo hamar egunetan 50 euroan eskuratu daitezke, gero 65ean jarriko dituzte salgai eta takillan 75 euroan izanen dira eskuragarri.
Status Quo talde mitikoa da. Whatever you Want, Rockin All Over the World eta In the Army Now bezalako kantuen bitartez egin zen bereziki ezagun.
40.000 euroko aurrekontua beharko du Udalak azpiegitura guztia prestatzeko eta guztira 200.000 euroko aurrekontua izanen du ikuskizunak. 16:30etan hasi eta goizaldeko 02:00ak arte izanen da musika nagusi Ziudadelako Rock Lurraldea jaialdia.