Iruñeko Udaleko UPNk deitoratu du Bilduren jarrera Aldapako San Fermin jaien harira: “Erakunde gisa baztertu egin ditu jaiak”. Urteotan lortutakoa haustea leporatu dio Bilduri UPNk: “alderdikerietatik urrundutako festa eta inor baztertu gabekoa abandonatu du”.
Iruñeko Udalak Aldapako San Fermin jaiak antolatzeko ardura hartu zuen “zenbaitzuk ETAren presoen aldeko jaia bilakatzen ari zirelako”. 2007an adostu zen osoko bilkuran udalak hartuko zuela ardura hori. Gogoan izan du UPNk iaz ere egin zela ETAren aldeko ekitaldia: “Xabier Sagardoy eta Luis Goñiren aldeko ikuskizuna izan zen Iruñean”.