Entzierroetako Lan Taldea bildu da iazko Sanferminetan indarrean jarritako arau berrien balorazioa egiteko. Lan taldeko partaideek, bestalde, korrikalari bati kolpea emateagatik epaitegian auziperatua dagoen unaiari elkartsasuna erakutsi nahi izan diote.
Enrique Maya Iruñeko alkatea, Herritarren Segurtasunerako zinegotzia, atal horretako zuzendaria, Udaltzaingoaren burua, Udalean ordezkaritza duten alderdien ordekari bana, Miserikordia Etxea, Larrialdietarako Nafar Agentzia, Gurutze Gorria, DYA, Osasunbidea, Peñen Federazioa eta entzierroan parte hartzen duten beste kolektiboak biltzen dira lan talde honetan.
Iazko datuak
Emaniko datuen artean azpimarra daiteke iazko entzierrorik jendetsuena uztailaren 13koa, igandekoa, izan zela 2.924 pertsonarekin. Osotara 17.126 korrikalarik hartu zuten parte iazko entzierroetan, 2012an baino %4 gutxiago eta 26 isun jarri ziren arauak hausteagatik.
Korrikalariei eginiko inkestek erakusten dutenez %56 atzerritarrak ziren, %8 Iruñekoak, %6 Nafarroako beste hiri eta herrietakoak eta %30 Estatuko beste erkidegoetakoak.
Adinari dagokionez, bostetik lau 35 urtetatik beherakoak ziren, %17k 35 eta 55 bitartean zituen eta %3 55 urtetik gorakoa izan zen.
Arauen ezaguerari buruz, %90 ek esan zuten entzierroen inguruko arauak ezagutzen zituztela eta %99k bazekien zer arriskutsua izan daitekeen entzierroa.
