Gaur, txupinazoa bota bezain pronto, Mikelats taldearen dantza jaialdia izango dute, 12:15ean. Arratsaldean, berriz, herri kirolek hartuko dute plaza. Gau partean, Drindots taldeak alaituko du giroa. Gainontzeko egunak ere ekimenez gainezko daude: egitaraua osorik irakur daiteke Atarrabiako Udalaren webgunean.
Betikoa, funtzionatzen duelako
Mikel Oteiza alkateak jaien ezaugarriak aletu ditu gurean: "Programaren bizkar hezurra urtero berdina da; berrikuntzak dira gauza txikiak: jaialdi bat gehiagi ostiralean, kultura arlotik antzerkia... baina, funtsean, inportanteena errepikatu egiten da".
"Elkarlana" izan du gogoan, halaber, festen karietara. "Oso adostuta dago egitaraua elkarteekin eta jendearekin", nabarmendu du.
Txosnagunea aniztasunean
Txosnagunean ere antolatu dituzte makina bat egiteko Atarrabiako herri eragileek. Esaterako, bihar, Bide Bakarra eta Sofokaos taldeen emanaldiak eskainiko dituzte. Horrez gain, egunez eguneko egitaraua osatu dute.