Geltokik antolatuta, txikien Gastro Showa eginen dute ostiralean, arratsaldeko 17:30ean: 'Martxelo estralurtarra'. Martxelo deituriko estralurtarra gure planetara misio garrantzitsu batekin iritsi da: mundu honetako gauza miragarri eta liluragarriak aurkitu eta bere planetara eraman behar ditu. Nahiz eta teknologia aurreratuena bere esku izan, Martxelo ez da prest egongo errealitate triste bati aurre egiteko: ezagutu berri duen planeta honetako pertsona batzuk ez dira onak eta Martxelo gaixoa engainatzen saiatuko dira. Sarrerak bost euroan eskuratu daitezke.
Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.