Antzerkia

17:00

'Anbotoko mari' antzezlana

Anbotoko Mari antzerkia, bideo-animazioa, interakzioa eta musika biltzen dituen antzezlan multimedia da. Gari da protagonista, mutiko txoro bat. Lagunekin haserretu eta bakarrik abiatuko da Anbotora. Mariren haitzuloan sartu eta harri magiko bat aurkituko du. Harria bertan uzteko esaten dion ahotsari kasurik egin gabe, lapurtu eta alde egingo du; Mari atzetik abiatuko zaio. Arratsaldeko 17:00etan, Berako Kultur Etxean.

18:00

104. haurra

104. haurra umezurztegi batean dago, adoptatua izateko irrikitan. Egoera berean dauden beste neska batzuek bezala, lan gogor-gogorra eginez ematen ditu egunak, jantziak egiten eta josten, esaten dietenez horixe baita bidea adopzio-familia bat lortzeko. Behin batean, ordea, neska berri bat iritsiko da eta zalantzan jarriko du hori dena. Zizur Nagusiko Kultur Etxean taularatuko dute lana arratsaldeko 18:00etan eta sarrerak txarteldegian zein online eskuratu daitezke, lau euroan.

19:00

Antzerki Aroa: 'Errege begibakarra'

Inextremis konpainia nafarraren hirugarren ekoizpen eszenikoa da eta Tanttaka Teatro konpainia gipuzkoarrarekin batera ondu dute. Fernando Bernuesek zuzenduko du Marc Crehuet antzerkigile katalanaren testuan oinarritutako lana. Umore beltzeko ukituak dituen komedia soziala da. Zer gertatuko litzateke, afari batean, manifestazio girotik urrun, istiluen aurkako polizia batek eta haren biktimak topo egingo balute? Arratsaldeko 19:00etan hasiko da emanaldia. Sarrerak txarteldegian eta online erosi daitezke.

18:00

Txantreako antzerki zikloa: 'Markelen maleta'

Txantreako Jai Batzordeak antzerki zikloa antolatu du lau emanaldirekin. Horietako bat familiendako Markelen maleta izango da. Arratsaldeko 18:00etan izango da obra, Salestarretan, eta sarrera doakoa da.

19:00

Antzerki Aroa: 'Posdatarik gabeko gutunak'

Postdatarik gabeko gutunak Kepa Errastik idatzitako bakarrizketa partekatua da, Xake Produkzioak ekoiztuta. Mikelek bost urte eman ditu preso, eta ordubete geratzen zaio bizimodu berri bat hasteko: Ordubete hori posdatarik gabeko gutunak bidali dizkion pertsona ezezagun bati eskainiko dio. Arratsaldeko 19:00etan Nafarroako Antzerki Eskolan. Sarrerak dagoeneko eskuragarri.

19:30

Emakume baten borroka eta metamorfosia

Eneko Sagadoy protagonista duen antzezlanean seme baten eta haren amaren arteko elkarrizketa entzuten dugu. Euren arteko harremana sendatzea eta hainbat gauza aitortzea helburu du obrak eta Édouard Louisen eleberriaren egokitzapena da. Arratsaldeko 19:30ean abiatuko da emanaldia. Sarrerak zortzi euroan eskuratu daitezke.

19:00

Antzerki Aroa: 'Artxibo biluzia'

Joan Mari Torrealdai atxilotu zutenean, poliziak bere etxetik ehundaka dokumentu eraman zituen; “Biluzik utzi ninduten, ez fisikoki, bai intelektualki”, kontatuko zuen beranduago. Artxibo biluzia pieza sortzeko egun hartan hutsik geratutako karpeta bat irudikatu dute. Konferentzia performatiboa, dokumentu-antzerkia eta umorea uztartzen dituen pieza eszenikoa da. Arratsaldeko 19:00etan, Nafarroako Antzerki Eskolan. Sarrerak eskuragarri txarteldegian eta online.

19:00

Antzerki Aroa: 'Olagarrua'

Antzerki Aroak eta Ttipiak antzeztutako obra da eta herri bateko hiru emakume, Olatz Beobide, Maitane Perez eta Nerea Arriola, eta olagarro bat dira antzezlanaren ardatza. Helburu bakarra dute: gorputzetik, plazeretik eta fantasiatik datozkigun erruak, txikiak eta handiak, astintzea. Arratsaldeko 19:00etan, Nafarroako Antzerki Eskolan. Sarrerak txarteldegian eta online.

20:00

Txantreako antzerki zikloa: 'Jaiaren erregina'

Txantreako Jai Batzordeak antolatutako antzerki zikloaren baitan Garazi San Martinek Jaiaren erregina: Inpostora baten sindromea lana taularatuko du. Arratsaldeko 20:00etan, Salestarretan, doan.