Osteguna, azaroak 10

17:00

18:00

Gurasoendako tailerra: Euskaraz jolasean

Kopurua mugatua. Izena emateko 948 012 012 telefonoan http://www.berrioplano.es/eu/taller-para-padresmadres-jugando-en-euskara/

19:00

21:00

Helduendako II Antzerki tailerra

Ostegunero, maiatzaren 25era arte Irakaslea: Jaione Urtasun Antolatzailea: Karrikiri

20:00

21:00

Bertso-saioa

Bertsolariak: Unai Iturriaga, Saioa Alkaiza, Amets Arzallus, Agin Laburu, Beñat Gaztelumendi eta Julio Soto Gai-jartzailea: Fernando Anbustegi Antolatzailea: Bertsozaleak

'Familia + Euskara' zikloa

Berriobeitiko Euskara Zerbitzuak euskararen inguruko familia ziklo bat antolatu du: “Familia + Euskara” izenekoa. Ziklo honen helburua, euskarara hurbildu nahi duten familiei informazioa eta formazioa ematea da, maila formalean zein informalean. Zikloaren barruan bi hitzaldi, bi ikastaro eta erakusketa bat antolatu da azaroa-abendua bitartean. Batetik, haurrak eskolatu behar dituzten zein eskolatu berri dituzten gurasoei zuzendurik, bi hitzaldi antolatu dira, arlo honetan adituak diren bi profesionalekin (Paula Kasares eta Arrate Gisasola), gurasoei sortzen ahal zaizkien zalantzak argitzeko helburuarekin. Bestetik, maila ludikoan, gurasoei haurrekin euskaraz jolasteko tresnak eskaintzeko helburuarekin, bi tailer eta erakusketa bat antolatu dira, Dindaia fundazioaren eskutik. Bi tailer hauetan euskarazko jolas eta kantak ikasteko aukera izanen dute gurasoek, baita haurrekin praktikatzeko ere. Azkenik, euskaraz dauden jolas eta jostailuen inguruko erakusketa bat antolatu dugu. Erakusketaren lehenengo zatian hitzaldi bat izanen da, jolasen funtzioaren inguruan eta bigarren zatian , gurasoak eta haurrak batera, erakusketako jolasen eta jostailuen ezaugarriak aztertuko ditugu. Ekimen guztietan plaza kopuru mugatua izanen da eta aurretik izena eman beharko da 948 012 012 telefonoan, ezarritako epeetan. Informazio gehiago: Berriobeitiko Euskara Zerbitzua 634515384 / 948 303129 | euskara@berriobeiti.eus