Egunotsn Euskaldunen Harrotze Astea egiten ari da Euskal Herrian Euskaraz taldea. Ekimen ikusgarriak egin nahi ditu eta horietako bat X sarean argitaratu du bart. Euskararen Legearen araberako eremu mistoa eta euskaldunaren arteko mugan kartel erraldoia jarri du.

Batzar Nagusia egin zuen joan den larunbatean Euskal Itzultzaile, Zuzentzaile eta Interpreteen Elkarteak eta Fernando Rey Escalera izendatu zuten hurrengo bi urteetarako lehendakari. Horrenbestez, Manu Lopez Gaseniren lekua hartu du Reyk. Beste bi itzultzaile ere batu dira zuzendaritza taldera: Isabel Etxeberria Ramirez eta Ane Garmendia Alberdi. Jon Alonso Abajok, berriz, taldea utzi du, bi urtez elkartearentzat lanean jardun ondoren.