Bazkidetu

Piztu irratia, euskara, komunitatea, euskaldunon hiri buruzagia.
Garai korapilatsuak datoz, eta horietan inoiz baino gehiago izan nahi dugu gure komunitatearentzako komunikabidea, euskaldunok informazioa, iritzia eta sormena trukatzeko gunea. Haatik, konfinamenduak kolpe latza eman die gure denda txiki eta ertainei, hau da, gure iragarleetako askori. Eta lehendik kolpe handi samarra jasoa genuen, udal publizitate instituzionalaren ukapenaren kontura. Horregatik behar dugu, inoiz baino gehiago, zure laguntza.

 

Ekarpena egiteko

hainbat modu

 

Bazkideek urtean 108 euroko ekarpena egiten dute, baina ekarpen hori gauzatzeko lau modu daude:

A) Hilean 9 €  B) Hiruhilekoan 27 €  C) Seihilekoan 54 €  D) Urtean 108 €

Ekarpena egitea ahalik eta errazena izan dadin, bete harremanetarako fitxa eta gu jarriko gara zurekin kontaktuan datu guztiak biltzeko:

Jarri gurekin harremanetan

Datuen fitxa zuk zeuk bete nahi baduzu:

Bazkidetu zaitez

 

%25eko zerga-kenkaria

 

Aurrerantzean, bazkide kuotak %25eko zerga-kenkaria izanen du: urtean 108 euroko kuota ordainduta, errenta aitorpena egiteko tenorean dedukzioa 27 eurokoa izanen da. Izan ere, irratia hobeki kudeatzeko Euskalerria Irratia Fundazioa sortu dugu. Fundaziotik bideratuko ditugu bazkideen ekarpen ekonomikoak. Eta fundazioei egindako ekarpenei kenkari hori dagokie: %25ekoa. Beste arrazoi bat bazkidetzeko.

 

Jada bazkide bazara, jarri gurekin harremanetan

 

Jada bazkide bazara lehenik eta behin esker mila: zure laguntza ezinbestekoa da irratiaren proiektua aurrera ateratzeko. Horretaz gain, kasu: aurrerantzean zure ekarpenak %25eko zerga-kenkaria izanen du, irratiak fundazioa sortu duela eta. Hori gozatu ahal izateko, jarri gurekin harremanetan 948 17 01 51 telefonoan edo admin@euskalerriairratia.eus helbidean. Koronabirusaren krisiak kuota 92 eurotik 108 eurora igotzera behartu gaitu, baina kenkaria aplikatuta igoera konpentsa daiteke.

 

Euskaldunontzako balio erantsia

 

Zerga-kenkariez harago, Euskalerria Irratiaren bazkide izateak badu plus garrantzitsu bat: balio erantsia ematen diozu Iruñerrian euskaldun izateari; izan ere, Euskalerria Irratiak Iruñerrian beste inork baino tokiko programazio zabalagoa eskaintzen du (erdal irratiak barne, jakina).

Beste inork baino kolaboratzaile gehiago ditu: jakintza alor, adin eta joera ideologiko askotako 200 boluntario (altxor ordainezina, zentzu literal zein figuratuan). Beste inork baino argiago erakusten du (iraganeko lizentzia debeku guztien azpitik eta egungo publizitate instituzional ukapen guztien gainetik) zeinen ahaltsu eta eskuzabala den euskaldunon komunitatea.