Ingurumena, paisaia, ekonomia eta kultura errespetatzen dituen kontsumo arduratsua bultzatzeko jaio zen Mendialdeko Azoka Ibiltaria. Lehenengo parada Arriben izango da igandean, artzai usadioak izango direlarik ardatz. Goizean, azoka irekitzearekin, Mendialdeko gazten dastaketa egongo da. Ondoren, gazta lehiaketaren txanda izango da. Mendialdean gazta ekoizleak dira nagusi. Hala ere, azokaren antolatzaileak saiatu dira aurten tokiko produktuen zerrenda zabaltzen.
Arribetik igaro eta gero, Lekunberrirako bidea hartuko du Azokak maiatzaren 17an. Eta ondorengo hilabeteetan Goldaratzen, Leitzan eta Areson ere ibiliko da.
Metropoli Forala saioan Marta Barba, Mendialdeko elikadura dinamizatzailea izan dugu Azokaren inguruko xehetasun guztiak kontatzen.