532 nekazari, 172 elaboratzaile, 77 abeltzain, 48 biltegizain eta 10 inportatzailek osatzen dute sektore ekologikoa Nafarroan. Azken urteotako joera hazkundearena izan da eta horrekin pozik daude Nafarroako Nekazal Produkzio Ekologikorako Kontseiluan, nahiz eta jakin, Europak 2030erako markatutako %25etik urrun daudela (%7,4 bideratzen da egun).
Landare ekoizpena egiten da gehien balore ekologikoekin: %80. Kontserbak, upategiak, ogia eta eratorriak, olioa eta bestelako produktuak. Animalien ekoizpena da gainerakoa: haragia eta horietatik eratorritako kontserbak, eztia eta arrautzak, esnekiak eta arrain kontserbak. Kontsumitzailea gakoa da produktu ekologikoen etorkizunerako: "Zenbat eta kontsumitzaile gehien izan orduan eta errazagoa izanen da ekoizpena handitzea", adierazi du Nafarroako Nekazal Produkzio Ekologikorako Kontseiluko komunikazio arduradun Nahia Diezek.
Produktu ekologikoen inportazio gutxiago egin dituzte 2024an, baina kilo gehiago igorri dira era berean, inoizko zenbateko gehien, milioi baten langa gaindituta. Nafarroan, azalera guztiaren %7,4 bideratzen da modu ekologikoan ekoiztera. Zer nolakoa da kontsumo ekologikoa Nafarroan? Bada, hiru etxetatik 1ek elikagai ekologikoak erosten ditu osasunerako hobeak direla uste duelako eta%69 saiatzen da produktu ekologiko hori bertakoa izan dadin.
Ekoizpen ekologikoa, datuetan
17.000 kilo ezti produzitu dituzte iaz, 275.000 kilo haragi, 116.000 litro esne edota sei milioi eta zazpiehun mila arrautza.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!