52 urteko gizonezko bat hil da gaur goizean Arbizun, lan-istripuan, herriguneko etxebizitza bat birgaitzeko lanetan ari zela. Eraikuntza materialak zeramatzan kamioi baten karga ustekabean gizonaren gainera erori denean gertatu da ezbeharra, ibilgailua deskargatzen ari zela.
Foru Gobernutik jakinarazi dutenez, larrialdi zerbitzuek ezin izan dute ezer egin langilearen bizia salbatzeko eta bertan hil da. Goizeko 09:15ak aldera jaso du larrialdi deia SOS Nafarroak eta Altsasuko suhiltzaileak gerturatu dira ezbeharraren lekura, inguruko mediku taldea eta anbulantziarekin batera.