Zaporeak 2019tik ari da otorduak banatzen Greziako errefuxiatuentzako kanpalekuetan. Haiek oraindik ere behar handiak dituztela gogorarazi dute gaur. Izan ere, 3.000 otordu banatzen dituzte egunero eta hori egin ahal izateko laguntza ezinbestekoa dute. Larunbatean Iruñerriko zenbait saltokitan jasoko dituzte arroza, makarroiak, espagetiak, txitxirioak eta olioa: "Berriozarko Eroskin, E.Leclerc-en eta Antsoain zein Iñigo Arista kaleko BMn eginen ditugu jaki bilketak", azaldu du Fermin Artola Zaporeak taldeko boluntarioak. "Ezinbestekoa da Euskal Herritik bidaltzen den elikagai kopurua. Grezian produktu freskoak erosten ditugu bakarrik eta gainerakoa doan iristen zaigu laguntza moduan", azaldu du Artolak.
"Elikadura duina izatea oinarrizko eskubidea da edozein pertsonarentzat. Hori da gure leloa", nabarmendu du Artolak. Horregatik euren boluntario lana egiten segitu ahal izateko herritarrei laguntza eskatu diete eta elikagaiak larunbatean eman diezaieten galdegin. Dohaintzakere egiten ahal direla gogorarazi du: hemen.