Iruñeko 1 Instrukzioko Epaitegiko epailea gorroto delitu moduan ikertzen ari da Nafarroako hainbat enpresa eta entitatetara bidaliriko e-mailak, besteak beste, Nafar Lansarera. Mezu elektronikook lan eskaintzei erantzuten diete mezu arrazista eta xenofoboekin, etorkinak ez kontratatzera eta haien ordez “langile nazionalak” hartzera deituz.
Nafarroako Gobernuaren Arrazakeriaren eta Xenofobiaren Aurkako Artatze Zerbitzuak salatu zituen mezuok Fiskaltzaren aitzinean, 2023ko udan; izan ere, zerbitzuan hiru entitatek salatu zuten jite horretako mezuak jaso zituztela, kontu anonimo batetik bidalita.
Fiskaltzaren aburuz, “mezuon egileak bilatzen duen kalte baztertzailea argi dago”; izan ere, “lan taldeak nazionalizatzera” deitzen du. Are gehiago, mezuotan “bistan denez marokoar bakar bat ere ez” kontratatzkeo eskatzen du.
