Bi hilabete eta erdi horietan, trafikoa NA-1210 errepidetik desbideratuko da eta ibilgailu astunak A-15 eta AP-15 errepideetatik joatea gomendatzen da, alternatiba gisa. Hala ere, A-15 errepidea ere obretan dago, Andoain aldean, eta lanek gutxienez irailaren 1era arte iraungo dute.
"Tunela aldi baterako ixteak gidari eta langileentzako arriskuak murrizten ditu, eta, era berean, lanen iraupena laburtzen du", azaldu du Foru Gobernuak. Gainera, Lurralde Kohesiorako Departamentuak bizikleten eta antzeko garraioen zirkulazioa debekatzea erabaki du, NA-1210 errepidean bide-segurtasuna hobetzeko, Belateko eta Almandozeko tunelak itxita dauden bitartean.
