Eszenatokian, neska batek umezurztegi batean ematen ditu bere egunak, adoptatua izateko irrikan. Identitatea, elkarri laguntzearen garrantzia, ilusioa, sormena eta esortzua ditu ardatz familiendako 104. haurra ikuskizunak. Yarleku konpainiak era berean, haur esplotazioa jorratu du obraren bitartez.
Izan ere, konpainiak antzerki soziala egiten duela nabarmendu du Laura Villanueva antzezleak, "guretzat garrantzitsua da haurrei gauzak kontatzea eta eramaten badute etxera galderaren bat mundu honetan gertatzen denari buruz, gure lana eginda dago". Haurrengan "pentsamendu kritikoa sustatzea" da helburua.
Bi neskato protagonista, baina eszenografiak jorratzen du paper garrantzitsua. Antzezlaneko objektuak protagonista bilakatzen dira: "eszenografia oso potentea dugu, dena maletaz beteta dago eta ohial fabrika eta jostunen mundu ere hor dago". "Bisualki oso polita" dela gaineratu du Villanuevak.
Oholtza gainean halaber, Laura Villanueva eta Eva Azpilikueta aktore lanetan. Jokin Oregi zuzendari artistiko eta David Lainezen eszenografia, soinua eta argiztapena, eta Aiora Ganuzaren eskutik jantziak. 104. haurra, gaur Tafallako Kulturgunean, arratsaldeko 20:00etan.
