Aurten ez da bandera urdinik egongo Allozko urtegian. Proiektua urte bete atzeratzea erabaki du Gesalaz Ibarreko Udalak, Lerateko kontzejuaren ezezkoaren aurrean. Bandera urdina atzeratzeko arrazoi nagusia “erakartze efektua izan da”. Izan ere, beldur dira bandera urdinak Lerateko hondartzak ahal duena baino bisitari gehiago erakartzea. Hala ere, proiektuarekin aurrera egiteko asmoa helarazi du udalak, baina 2025era atzeratu du.
Bandera urdina uraren kalitatea, zerbitzuen maila ona eta bainularien segurtasuna ziurtatzen dituen bereizgarria da. Eta hartara, aurten hiri segurtasunaren eta bisiten kudeaketaren alderdi guztiak gehiago lantzea erabaki dute. Ingurumenaren kudeaketa jasangarrira, eta, bizilagunen eguneroko bizitzaren eta garapen turistikoaren arteko oreka lortzeko atzeratu dute Allozko bandera urdina izendapena.
