Nafarroako urtegi nagusietako ur erreserbak areagotu dituzte aste santuko euriteek. Esako urtegia edukieraren %93,8an dago, eta Itoizkoa ia %100ean, %99,4an baitago. Eugiko urtegia bere edukieraren %82an dago eta Allozkoa %85ean.
Halaxe jakinarazi du Ebroko Konfederazio Hidrografikoak. Negu amaierako elurteen urtzeak eta azken egunotako prezipitazioek Foru Erkidegoko urtegi guztien maila igo dute, eta guztira, urtegien edukieraren %95etik gora beteta dago. Esako urtegiaren kasuan, iazko datuekin alderatuta, bere erreserba 146 hm³ hazi da. Itoizko erreserba berriz, iaz baino 139 hm³ handiago da. Nafarroan 932 hm³ ur pilatu dira.
Iruñerrian ere, hilabete euritsua izan da, izan ere, iaz, martxoan, %50era ozta-ozta iristen baitzen, eta aurten, euriteen %200 metatu da. Aste honetan berriz, eguraldi aldaketa iragarri du Aemet meteorologia agentziak; tenperaturak gora, eta prezipitazioak behera.
Con las precipitaciones recogidas ayer la Cuenca de Pamplona ha acumulado en torno al 200% de lluvia a lo largo del mes de marzo. La situación contrasta con la del pasado año donde apenas se llegaba al 50%. Especialmente lluviosos el comienzo y el final del mes. pic.twitter.com/pBHakkG7Co
— AEMET_Navarra (@AEMET_Navarra) April 1, 2024