61 atxilotuetako 20 bart aske utzi zituzten, epailearen aitzinean deklaratu eta gero. Gainontzekoak gaur pasako dira epailearen aurretik. Betisen eta Osasunaren jarraitzaileen arteko liskarrak ei daude operazioaren sorburuan. Urriaren 26an, bi taldeok Ligako partida jokatu zuten Benito Villamarin futbol zelaian, eta norgehiagokaren aurretik istilu bortitzak izan ziren bi taldeetako zenbait kideren artean. Poliziak dio sarekadan istiluotan parte hartu zuten zaleak atxilotu dituztela. Halaber, Betisen United Family zale taldeko 20 kide atxiki ditu Poliziak, Sevillan eta Madrilen.
Sarekada heldu da joan den astean Osasunako zuzendaritzak eta Espainiako Gobernuaren Ordezkaritzak bilera egin eta gero. Azken hilabeteotan, Indar Gorriko hainbat kidek isunak pairatu dituzte Sadarren larrialdietako irteerak oztopatu edota hesira igotzeagatik. Zuzendaritzak bitartekari lanak egin nahi izan zituen, isun horiek ekiditeko. Beste hainbat zelaitan Sadarren egiten dena egiten dute eta ez da isunik izaten.
Indar Gorrik elkarretaratzea egitera deitu du. Goizeko bederatzi eta erdietan eginen dute, Nafarroako Auzitegi Nagusiaren aitzinean, atxilotuei elkartasuna adierazi eta errepresioa salatzeko.
‼️Bihar 9:30etatik aurrera gure kideei elkartasuna adierazten jarraituko dugu epaitegien aurrean. Gerturatu babesa ematera‼️
— INDAR GORRI (@19IndarGorri87) March 7, 2024
Errepresioari hortzak erakutsi pic.twitter.com/5ikit2L8XY
