Duela aste batzuk batzartu zen Alfaro Nafarroako Udal eta Kontzejuen Federazioko presidente Xabier Alkuazekin bi gai horiek lantzeko. Sintonia ona izan zen bilera hartan eta adostu zuten, irizpide berberak ezarri beharko liratekeela erroldatzeak egiteko. Izan ere, Alfarok gogorarazi du, betebehar bat dela legez migranteak erroldatzea. Baliagarriak dira 2020tik erresoluzio batean hala txertatuta gelditu baitzen, karabana, txabola edo koba batean, zein aterperik gabeko gune batean erroldatzeko aukerak ere. Are gehiago, kalean bizi den norbait ere erroldatzeko aukera badagoelako, herri horretan modu horretan bizi dela jakinaren gainean badaude Zerbitzu Sozialak, adibidez.
Fede musulmaneko lurperatzeei dagokienez Alfarok uste du ez lukeela eragozpenik izan behar ezein herritan aukera izatea euren sinesmenen modua erabiltzea eginkizun horietarako, kontuan hartuta fede kristaudunak askoz ere gehiago direla oro har herrialde osoan musulmanak baino.