Auzipetuak berak egin dioten epaiketa azkarrean aitortu duenez, bi ikaskideen hainbat argazki hartu zituen haien sare sozialetatik, eta adimen artifizialeko aplikazioak baliatuz biok biluzik irudikatzea lortu zuen.
Auzia ikertu duen Foru Poliziaren arabera, irudiok kalitate handikoak ziren, eta biktimak eta haien inguru gertuko pertsonak soilik jabe zitezkeen faltsuak zirela.
Biktimetako batek sare sozialen bitartez irudiok jaso zituen, mezu iraingarriekin eta umiliagarriekin batera.
Eta salaketa aurkeztu zuen Foruzaingoaren aitzinean.
Ikerketa abiatu zutelarik, foru poliziek beste biktimaren irudiak aurkitu zituzten. Eta hark ere salaketa aurkeztu zuen.
Iruñeko 4. Instrukzio Epaitegia auziaz arduratu da, eta epaiketa azkarra egin du.
Osotasun moralaren aurkako derrigortze edo koakzio delitua egotzita ezarri dio auzipetuari urtebeteko espetxe zigorra.
