Auto baten eta kamioi baten arteko istripua izan da gaur goizean Nafarroan. Funesen, N-115 errepidean kotxe batek kamioi bat atzetik kolpatu du eta pertsona bat hil da. 41 urteko gizonezkoa da hildakoa, Milagrokoa nahiz eta Rincon del Soton bizi zen (Errioxa). Goizeko 06:00etan izan da ezbeharra, laino handia zegoen ezbeharraren unean . Zonaldeko mediku taldea mugiarazi du larrialdi zerbitzuak eta suhiltzaileak zein Foruzaingoa bertaratu dira. Istripua ikertzen ari dira.
Joan den astean ere errepidean ezbeharra izan zen eta hildako bat eragin zuen. Funesen bertan izan zen hori ere. Landa errepide batean jazo zen eta 44 urteko gizona hil zen haren autoa bidetik irten eta irauli ostean.