Gizon bat hil da gaur goizeko 9:00ak aldera Nafarroan, Arribeko Orella auzoan. Etxebizitza bateko obran lanean ari zela zortzi metro inguruko altueratik erori da 42 urtekio langilea. Larrialdi zerbitzuak goizeko 09:00etan jaso du istripuaren berri eta iritsi direnean, gizona suspertzen saiatu dira, baina ez dute lortu. Gizona bertan hil da.
Gorpua Nafarroako Auzitegi Medikuntzako Institutura eramango dute, autopsia egiteko. Iruñeko Foruzaingoko polizia judizialeko talde bat ezbeharraren izapideak bideratzen ari da.