Hotza heldu da. Iruñerrian, -2 eta 2 gradu artean izanen gara eta euri iragarpena egongo da egun osoan zehar. Hainbat zonaldetan elur iragarpena ere egina dago. Hain zuzen, Aemet agentziak abisu horia ezarri du Pirinioetan eta Nafarroako erdialdean elurra egiteko arriskuagatik. Lehenengo kasuan bost zentimetroko metaketa erregistratu ahal izango da, eta bigarrenean, bi zentimetrokoa.
Hartara, eguraldiari aurre egiteko, Nafarroako Gobernuak elurra kentzeko dauden 125 makinetatik 107 mobilizatuko ditu datozen orduetan. Izan ere, 500 metrotik gora elurra egin dezake. Batez ere, AP-15 Nafarroako autobidea, Pirinioetakoa edo Leitzarangoa, eta Iruña-Behobia errepideak, zein Iruñera sartzeko Erronda garbituko dituzte. Halaber, Nafarroako Gobernuak errepideen egoerari buruzko informazio eguneratua eskainiko du uneoro incidenciasencarreteras webgunean.
