Adinduek bakardadea nola bizi duten jakitea izan daiteke bilatzen ez den isolamendu horri irtenbide emateko bideetako bat. Prozesu horretan barneratu dira Bortzirietako Gizarte Zerbitzuen Mankomunitatean. Elkarlanean ari dira Nafarroako Unibertsitate Publikoarekin Europatik jasotzen den finantzazioari esker. Ginkgo izena du proiektuak. NUPek akademikoki formazioa eskainiko du gaiaren inguruan eta gizarte zerbitzuak praktikara eramen du: "Bilatzen ez den isolamendu hori prebenitzeko lanketa da Ginkgo", azaldu du Euskalerria Irratian Jokin Apezetxeak, Bortzirietako Gizarte Zerbitzuen Mankomunitateko gizarte langileak.
"Bakardadea izan daiteke bilatutakoa baina hala ez denean zer bide jorratu daitekeen aztertu nahi dugu isolamendu hori ekiditeko", azaldu du. Hiru urteko prozesua izanen da eta adinduei eurei ere galdetuko diete eurek nola sumatzen duten bakardadea: "Beraiei galdetuko eskuratu daiteke informazio ugari. Beraiek adierazten ahal dute prebenitzeko bakardade hori zer planteatzen ahal zaien", adierazi du. Ikastaroak, konpainia, euren bizitzekin lotura duten gaiak jorratzea, aktibitate fisikoa edo mota askotako ekimenak izan daitezke irtenbideak. Horien bila jo nahi dute proiektu honen bidez.
