"Lizarrako ospitalean itxaron zerrendak beste osasun barrutietan baino handiagoak direla salatu dugu azken urteotan" azaldu du Maider Otxoak, "Horrek erakusten du hau ez dela bi ginekologoren bajengatik sortutako arazo puntual bat". LAB sindikatuko kideak adierazi duenez, Lizarrako ospitalean espezialista falta agerikoa izan da. "Lizarran ez dira soilik ginekologoak falta, profesional asko falta dira: 8 hilabete eman ditugu ospitalean dermatologorik gabe, otorrinoarekin gauza bera gertatu da...". "Azken urteotan hainbat salaketa egin ditugu aurreko gerentziak egindako kudeaketarengatik, haren dimisioa eskatuz" gaineratu du Otxoak.