"Erreparazio espiritual eta moralak ere badira", esan du Josetxo Vera Iruñeko Artzapezpikutzaren bozeramaileak. Onartu egin dute lehen aldiz Eliza katolikoaren baitan abusuak pairatu eta justiziaren bidea hartu ez dituzten zenbait biktimari diruz ordaindu egin dietela. Zenbat diru eta zenbat pertsonari egin dieten halako "erreparazioa" ez dute zehaztu. Jakinarazi dutena da Francisco Perez artzapezpiku izan den garaian egin direla ordainketa horiek. 2007tik 2023 aurtea arte izan da Perez Iruñeko artzapezpiku eta hamar kasu ezagutu dira tarte horretan. Hamar kasu horietatik hiruk jo dute justiziaren bidetik eta beste zazpi kasutan "irtenbidea artzapezpikutzaren biktimentzako bulegoetan" aurkitu zaie. "Laguntza horiek biktima izan direla frogatu ditugunei eman zaizkie, behar izan dutenaren arabera", azaldu dute prentsaurrekoan.
Lehen aldiz onartu du Iruñeko artzapezpikutzak ordaindu egin diela abusuak jasan eta justiziaren bidea hartu ez duten biktimei. Ez dute zehaztu zenbat diru eman dieten ez eta zenbait biktimarekin egin duten hori. Francisco Perez Iruñeko artzapezpiku izan den garaian egin dira ordainketa horiek.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!