1948 eta 1990 urteen bitartean, gutxienez 71 abusu-biktima izan zirela egiaztatzen du txosten berriak. 42 erasotzaile, 33 zentro eta zortzi parrokia seinalatu ditu. Arartekoak estatu mailan Elizaren inguruan egindako sexu-abusuei buruzko azken txostenak, Nafarroan oraindik argitaratu gabe zeuden zenbait kasu agertu ditu; nahiz eta, Nafarroako Gobernuaren biktimen errekonozimendurako batzordearekin nolabaiteko informazio-trukea egon den.
Era berean, Arartekoak egindako ikerketak nabarmentzen duenez, inkestatuen % 1,13k sexu-abusua jasan zuten txikitan, erlijio-eremuan, eta % 0,6k apaiz edo Elizako kideren baten eskutik. Nafarroan 5.000 abusu inguru izan direla ondorioztatu dute eta Estatuan egindako estrapolazioaren arabera, Espainian 440.000 biktima.
Txostena baloratzeaz gain, PSN, EH Bildu, Geroa Bai eta Zurekin Nafarroako parlamentuko bozeramaileek Nafarroako Eliza katolikoan egindako sexu-abusuen biktimak aitortzeko foru lege “aitzindaria” txalotu dute.
