Ohikoak bihurtzen ari dira gazteen artean, kolore bizidun pote edariak kontsumitzea. Edari energetikoak dira, horrela saltzen dituzte eta horrela zabaldu ere gazteen influencerrek. “Errendimentu fisiko eta mentala hobetuko dela esaten digute, baina guztiz kontrakoa da” azaldu du Anne Azkona nutrizionistak, “Nerbio sistema estimulatzen denez, arrisku jokabideak, hiperaktibitatea, arreta defizita…eragiten dute”. Edari hauek gainera menpekotasuna sortzen dutenez, haien eraginei tolerantzia eragiten du geroz eta dosi handiagoak kontsumitzera behartuz. Epe luzera begira arazoak handiagoak izan daitezke, “Arnasketa arazoak, buruko mina, insomnioa…azkenean loa eta deskantsua alteratuta geratzen dira eta horrek eragina du gazteen egunerokotasunean, ikastetxeetan, etxean…”.