18 hilabete eta 3 urte arteko haurren jatekoa aztertuko dute Elikume programaren bitartez. Nafarroako Gobernuak Iruñeko Haur Eskolen Erakundearekin batera ohitura osasungarriak helarazi nahi dizkie familiei. Aurretik aztertu eginen dituzte 200 umeren elikadura ohiturak ekidin nahian obesitate edo loditasuna. Goiz Eder, Haurtzaro, Mendillorri, Hello Azpilagaña eta Lezkairuko haur eskoletako haurren jateko ohiturak ikertuko dituzte. Nafarroan haur eta nerabeen artean %60ak du obestitatea edo loditasuna. Horri aurre egiteko programa da Elikume.
Gurasoak trebatu eta elikadura ohiturak aldatu
Internet bidez aukera izanen dute gurasoek trebatzeko. Formazioa eskainiko zaie online plataforma bidez hezkuntza nutrizionala jaso dezaten: erosketa osasungarriak nola egin, eskolako elikadura nolakoa den eta etxekoa aztertu, sukaldaritza tailerra, errezetak edo zalantzak argitzeko aukera eskainiko zaie.
