2021ean plazaratu zuen Eider Rodriguezek Eraikuntzarako materiala, alkoholikoa den aita baten zama daraman alaba baten kontakizuna. Bere kontakizuna. Izan ere, autobiografikoa da eleberria.
Ordutik, bide luzea egin du liburuak, eta izena, hitzak jarri dizkio Euskal Herrian hain ohikoa izan den drama familiarrari. Testuinguru zehatz batean kokatzen da istorioa: 1970-80ko hamarkadan, heroinak gure lurraldea astindu zuen garaia, Errenteria industrial batean eta langile klaseko familia inguruan. Rodriguezena kontakizun intimoa da, pertsonala politikoa dela erakusten duen horietarikoa.