Osasun mentalarekin zerikusia duten laneko bajak dira baja-egun gehien behar dituztenak osatu ahal izateko. Mutua Navarrak eskuartean dituen datuak kontuan hartuta aurreikusi du ehun langiletik lauk izanen dutela datozen hilabeteetan baja hartu beharra buruko gaitzen batekin erlazionatuta. Mutua Navarraren ustez ezinbestekoa da arazoak normalizatzea: "Buruko osasunaz hitz egitea arrunt bilakatu beharko litzateke eta arreta jarri beharko litzaioke arazoak sortzen hasten direnean", jakinarazi dute. Sentsibilizazio kanpaina sei ardatzetan egikaritu du: behatu, lanpostuen kalitatea hobetu, formazioa eskaini, langileen abilezietan indarguneak bilatu, babes eman eta gatazkei aurre egin.
Informazioa jasotzeko gunea eta elkarretaratzea
Urriaren 10a da Buruko Osasunaren Nazioarteko Eguna. Nafarroako Osasun Mentalerako Plataformek goizean Sarasate pasealekuan informazio gune bat jarriko dute eta bizilagunei buruko gaitzen inguruko datuak helaraziko dizkiete. Arratsaldean, Tuteran eta Lizarran elkarretaratzeak eginen dituzte Plaza Berrian eta Koronazioaren Plazan, hurrenez hurren.
