Sarean Euskarazen zazpigarren edizio hau, antolatzaileek iragarri dutenez, inoizko jendetsuena izango da. Baluarteko jardunaldiaren ondoren, ekimena Nafarroako beste herri eta ikastetxetara ere hurbilduko da. Iñigo Martinez Monasterio egitarauaren koordinatzaileak azaldu digu zeintzuk diren ekimenaren helburuak: "Kultura digitala sustatzea da helburu nagusia".
Gazteak, hiru txandatan eta beste hainbeste aretotan banaturik, 8 lantegitan trebatuko dira, 2 hitzaldi labur entzungo dituzte eta Egunean Behin jokoaren zuzeneko partida batean lehiatuko dira.
Euskarazko IKTen alorrean murgiltzeko esperientzia hori goiz bakar batetik eta Baluarte Jauregitik harago luza dadin nahi dute Sarean Euskaraz ekimenaren bultzatzaileek. Hala, Iruñerritik kanpoko beste 400 gazterengana ere helduko da ekimena. Hala, Iruñerritik kanpoko beste 400 gazterengana ere helduko da ekimena. Zehazki, Altsasu, Bera, Doneztebe, Leitza eta Tafallako 5 institututan hartuko dute programaren lantegi bat edo gehiago.
Gainera IKT ikastaro zikloaren bitartez, Sarean Euskaraz proiektuak 15 lantegi antolatuko ditu beste hainbeste herritan. Horietatik 2 Iruñean bertan izango dira, eta gainontzekoak Tafalla, Antsoain, Leitza, Burlata, Barañain, Altsasu, Uharte, Gares, Arbizu, Atarrabia, Tutera, Otsagabia eta Erronkarin.
