Istripu lazgarria gertatu da Beran: 25 urteko gazte bat hil da, lo zegoela bere gailu elektroniko bat lehertu egin delako. Hasiera batean, gau mahaian kargatzen zuen telefonoa izan zitekeela zabaldu bada ere, ezeztatu egin dute aukera hori gero mobila lurrean utzirik baitzuen. Larrialdi zerbitzuek Gurutzetako Ospitalera eraman zuten helikopteroz, baina izan dituen zaurien ondorioz hil da.
Guardia Zibilak 14:20ak aldera jaso zuen abisua atzo. Leherketak sua piztu zuen, eta erre egin da biktima lo zegoen ohea. Hari erredura larriak eragin dizkio. Poliziak lehen arta eman dio osasun zerbitzuak heldu bitartean, eta haiek erabaki dute gaztea ospitaleratzea. Gurutzetako Ospitaleak unitate berezi bat du erredurentzat, baina ezin izan dute ezer egin. Iluntzean baieztatu dute heriotza.
